الوالد لطفي الياسيني ، شعر: ابو الحب و شعراء الصومعه
الوالد لطفي الياسيني ، شعر: ابو الحب و شعراء الصومعه
-------------------------------
الفضيله
بليالينا الفضيله يا صديقي
تحياتي الك ، و الشوق كلو
مناضل انت من وحْيَّك طريقي
و مواسمنا بساح المجد غلو
سوى مشينا على النهج الحقيقي
و فلو كتار ..!!، أهل الخير ظلو
و متل ما لاح عالمبدا بريقي
لمع سيفك ، شفارو ما تخلو
مع" الختيار" يا ايام فــــــيقي
تا يبقى الرمح واقف في محلو
رفيقك كان" ياسر" يا رفيقي
بيرق مجد في فيو استظلو
و انا واياك بالساحة و فريقي
فريقك بالوفا و بالقلب غلو
اعطيني دروس منك يا مناضل
قلو المتلك بهالعمر قلو
*****
و بعاطفتك يا شيخ الاريحيي
القلب حامل مزايا و طيب حامل
و متل ما بعقلك حملت القضيي
في ميدان الرجوله انت صايل
الك نخوه و عزيمي يعربيي
و ياسيني بمعقل الالهام عاقل
افتديت الارض بالنفس الرضيي
و ما همك لا جيوش و لا جحافل
لأنك صاحب الهمه العليي
على كتافك هموم الشعب شايل
بحمى الباروك والارزه الابيه
مع العرقوب كنت الغيم طايل
و اذا ما الريح نادى من عشيي
عليك ، و قال يا خيول الاصايل
الجواب سمعت ، منك معنويي
تا يلقى ربنا .. ، الانسان آيل
انت ال قلت يا زين الرعيي
كريم الأصل محمود الشمايل
انا فلسطين عاشت في ضلوعي
مع رفيقي و شهيدي سعد صايل
*****
نداك سمعت في الليلات مَره
انتفض فيي ضميري و نفس حُره
بيرق في نضالك مين قدك
صمدت و شربت كاس العمر مُره
ما بتهمك مراره و كان ردك
شعبي و الارض فوق المجره
سلاحك يا شريف بكف يدك
تشرف فيك و رصاصة مسره
قضيت العمر تبني براج سدك
و تمنع عن شعب صابر مضره
الك بقلوبنا كل المنازل
و بشعرك رحت ضويت المعره
