مناحة على اعتاب الاقصى/ د. لطفي الياسيني

مناحة على اعتاب الاقصى/ د. لطفي الياسيني

----------------------------

يا زائر الاقصى من الزنزان

سلم على الساحات واهديها

قلو الياسيني اليوم مش فرحان

ودموع عينو على الوجنات ببكيها

الاقصى بقيد الوغد والزعران

وينك صلاح الدين تحميها

خمسة عقود باسر مرهون للسجان

ما عاد اسمع اذان الصلاة يحييها

والسور عاف الجند والطغيان

وين الخليفة اليوم يحميها

وين العروبة انتهت يا حسرة الفرسان

النتن تحت الرواق الحفر واطيها

نامت جيوش العرب لا حرب لا عنوان

والقدس بيعت لاسرائيل شاريها

يا حسرة القدس فتح في القدس عميان

واعمى صدور البشر ناسيها

ارض النبوة وقبلة الاركان

اسراء احمد مع المعراج ماضيها

مولد مسيح البشر من قبل وايزمان

يا ابن مريم كنائس في القدس فيها

ما عاد اسمع وقع اجراس مع اذان

خيم عليها غراب البين ساطيها

تهجير قسري للاهل والسكان

حتى المباني محرومين نبنيها

فرضوا علينا الهوية وصادروا الفدان

اغراب صرنا وبنو صهيون واطيها

لعبوا علينا لعب بالدجل والحرمان

في بيت اسود قضيتنا خوافيها

دولة فلسطين اسم ما الو .. عنوان

وحدود هشة وجدار الوغد حاميها

هذي نصيحة شاعر عايش الازمان

مخضرم بعتم السجن بدي اوصيها

الحق ما برجع بلا ..... نيران

والقوة بدها قوى تصدق معانيها

غير الرجوع اليوم للقران

ما عاد ترجع لو المليار بيجيها

بكفي ضحك عاللحى يا نائم بقمران

ثلاثماية وتسع سنوات.... بكفيها

--------------------

د. لطفي الياسيني